നമുക്കെന്താണ് സംഭവിക്കുന്നത്?
ശ്വാസനിശ്വാസങ്ങളില് നാം
ആരുടെയൊക്കെ പേരാണ് ചേര്ത്തുവെയ്ക്കുന്നത്?
ചിന്തകള് ചിതലരിക്കുന്നുവെന്ന് വിലപിക്കുമ്പോള്;
ഈണമില്ലാതെ, താളമില്ലാതെ
ജീവന്റെ സ്പന്ദനാക്ഷരമെന്തെന്നറിയാതെ
ഭാണ്ഡം മുറുക്കുമ്പോള്;
അരങ്ങൊഴിഞ്ഞിറങ്ങുമീനേരത്ത്
ഹൃദയത്തോടു ചേര്ത്തുവെയ്ക്കാന്
വിലാസങ്ങളും സന്ദേശങ്ങളും അന്യവല്ക്കരിക്കപ്പെട്ട
ആരുടെയെങ്കിലും പേര്...
ഒരു മുദ്ര-
നമുക്കായി മാറ്റിവെയ്ക്കാന്...
നിഴലുകള്ക്കൊപ്പം ഈ രംഗവേദിയില്...