നക്ഷത്രങ്ങള്...
രാത്രിയുടെ ഇരുണ്ട കമ്പളത്തില്
കണ്ണുചിമ്മിയുണരുന്ന കനവുകള്
നക്ഷത്രങ്ങളെ സ്നേഹിക്കാന് പഠിപ്പിച്ച
ഗുരുനാഥന്മാര്ക്ക് വന്ദനം!
സ്വപ്നങ്ങള്...
ചക്രവാളങ്ങള്ക്കപ്പുറം വര്ണചിറകുമായ്
പറന്നുയരുന്ന ശലഭങ്ങള്
സ്വപ്നങ്ങളെ സ്വന്തമാക്കാന് പറഞ്ഞ
സ്നേഹിതന്മാര്ക്കും വന്ദനം!
ഹൃദയത്തെ ഹൃദയം കൊണ്ട്
തൊട്ടറിഞ്ഞ പ്രണയനിലാവിനും
വാക്കുകളില്ലാതെ പതറിപ്പോയ
യൌവനനൈരാശ്യങ്ങള്ക്കും
ബന്ധങ്ങള് കുരുക്കിയിട്ട
മധ്യവേനലിനും വന്ദനം!
ഇടമുറിയാതെ പെയ്തൊഴിഞ്ഞ
ഗദ്ഗദങ്ങളേ...
വിടചൊല്ലിപ്പിരിഞ്ഞുപോയ
സൌഹൃദങ്ങളേ...
തിരികെയെത്താനൊരിത്തിരിനേരമീ-
തിരിവെളിച്ചമണയുംമുമ്പായ്
കൊതിച്ചുപോകുന്നു ജീവിതം വീണ്ടും
No comments:
Post a Comment