ഈ അപരാഹ്നത്തിലും
പരസ്പരം പിണങ്ങിയും
പിന്നെയും ഇണങ്ങിയും
നാം പ്രണയിച്ചുകൊണ്ടേയിരിക്കുന്നു....
ഉദയാസ്തമയങ്ങളുടെ
ഇടവേളയിൽ എത്രദൂരമാണ്
നാം നടന്നുതീർത്തത്!!!!
എങ്കിലും-
നിന്റെ കൈവിരൽതുമ്പിൽ
മുറുകെ പിടിക്കുമ്പോൾ
ഇപ്പോഴും-
ആ പഴയ കോരിത്തരിപ്പ്!!!!
കുഴിഞ്ഞുതാണ കണ്ണുകളിലെ
ഇറ്റു നനവിൽ
ഇപ്പോഴും-
കനവിൻ പരൽമീനുകൾ!!!!
നിഴൽച്ചിത്രംപോലെ നിൻ
കവിൾനിലങ്ങളിൽ
മിന്നിമായുന്നുണ്ടരുണോദയം!!!!
സ്വപ്നങ്ങൾ ഇപ്പോഴും
നമ്മിലേക്കിങ്ങനെ
ചുരമാന്തിയെത്തുന്നതെവിടെനിന്ന്?
ചുമടുതാങ്ങികൾപോലവെ ജീവിതം,
ചുവടുറയ്ക്കാതുലയുന്നുവെങ്കിലും
ഇരുൾപുതപ്പിലേക്കൂളിയിടുംമുന്നേ
കരൾതുടിപ്പിന്റെ താളമായ് മാറിടാം.
പ്രണയം നമുക്കുമുന്നിൽ
നദിയായൊഴുകുമ്പോൾ
വരിക, നീയെന്നരികത്തു
ചേർന്നുനിൽക്കുക....
ഇനിയൊരു കാറ്റിലുമുലയാതെ, മറയാതെ
കാത്തുവെയ്ക്കാമീ കരിന്തിരിവെട്ടം...
പരസ്പരം പിണങ്ങിയും
പിന്നെയും ഇണങ്ങിയും
നാം പ്രണയിച്ചുകൊണ്ടേയിരിക്കുന്നു....
ഉദയാസ്തമയങ്ങളുടെ
ഇടവേളയിൽ എത്രദൂരമാണ്
നാം നടന്നുതീർത്തത്!!!!
എങ്കിലും-
നിന്റെ കൈവിരൽതുമ്പിൽ
മുറുകെ പിടിക്കുമ്പോൾ
ഇപ്പോഴും-
ആ പഴയ കോരിത്തരിപ്പ്!!!!
കുഴിഞ്ഞുതാണ കണ്ണുകളിലെ
ഇറ്റു നനവിൽ
ഇപ്പോഴും-
കനവിൻ പരൽമീനുകൾ!!!!
നിഴൽച്ചിത്രംപോലെ നിൻ
കവിൾനിലങ്ങളിൽ
മിന്നിമായുന്നുണ്ടരുണോദയം!!!!
സ്വപ്നങ്ങൾ ഇപ്പോഴും
നമ്മിലേക്കിങ്ങനെ
ചുരമാന്തിയെത്തുന്നതെവിടെനിന്ന്?
ചുമടുതാങ്ങികൾപോലവെ ജീവിതം,
ചുവടുറയ്ക്കാതുലയുന്നുവെങ്കിലും
ഇരുൾപുതപ്പിലേക്കൂളിയിടുംമുന്നേ
കരൾതുടിപ്പിന്റെ താളമായ് മാറിടാം.
പ്രണയം നമുക്കുമുന്നിൽ
നദിയായൊഴുകുമ്പോൾ
വരിക, നീയെന്നരികത്തു
ചേർന്നുനിൽക്കുക....
ഇനിയൊരു കാറ്റിലുമുലയാതെ, മറയാതെ
കാത്തുവെയ്ക്കാമീ കരിന്തിരിവെട്ടം...
No comments:
Post a Comment