പൊടിതട്ടിയെടുക്കാന്‍ സമയമേതുമില്ല
സഹനമാണതേ നമുക്ക് വിധിയെന്നോതിയ
സാധുവിനെ മാത്രം മറക്കാം
ചില്ലകളുണങ്ങുന്നതും നോക്കിയിരിക്കാം
നമുക്കീ കല്ലടുപ്പിന്‍ ചോട്ടില്‍
ഇറ്റുവറ്റിനായില്ലൊരിത്തിരി നെന്മണിപോലും
അതു വര്‍ജ്യമെന്നത്രേ പ്രമാണം
റാന്തല്‍വിളക്കൊന്നുവേണം; പഴയത്
ഇരുളിന്റെ ഈ വീഥി താണ്ടിയെത്താന്‍
ഭക്ഷിപ്പതിന്നായ് വളര്‍ത്തിയ മൂരികളെ
കൊല്ലണ്ട; നമുക്ക് വേണമൊരു യാത്രപോകാന്‍
ചക്രങ്ങളുരുളുന്നു മുന്നോട്ടെന്നാകിലും
ജീവിതം നീളുന്നു പുറകിലോട്ട്
നേടിയതൊക്കെയും നേട്ടമല്ലെന്നറികെ
നേര് തേടിയലയുന്നു മര്‍ത്യജന്മം
No comments:
Post a Comment